Советот на општина Тетово на вонредната седница одржана денеска додели средства во вредност од 1 милион денари во овие тешки денови за турскиот и сирискиот народ.
Дополнително, беше изгласан предлог за формирање комисија за следење на постапката за собирање и доставување помош за земјите погодени од земјотресот.
Ќе се формираат пунктови, каде што граѓаните ќе може да им помагаат на турските и на сириските граѓани со облека и разни работи според нивната волја и можности.
Исто така, набргу ќе биде отворена и посебна жиро-сметка, на која граѓаните, оние што може да си дозволат, ќе може да помогнат со финансиски средства.
