Министерството за внатрешни работи ја известува јавноста дека во рамки на проектот „Безбеден град“, во периодот од 20 јануари (вторник) до 31 јануари (сабота), ќе се врши тестирање, калибрација и верификација на поставените уреди за сообраќаен надзор – камерите на сообраќајниците.
Тестирањата ќе се реализираат секој ден од 08:00 до 20:00 часот. За време на овие активности, возилата на локациите каде што се врши тестирањето нема да бидат пропуштани додека трае постапката.
Во првата недела од предвидениот период, активностите ќе се спроведуваат исклучиво на локациите со поставени камери на подрачјето на град Скопје.
Граѓаните и сите учесници во сообраќајот се повикуваат да ги почитуваат привремените ограничувања и да покажат разбирање, трпение и соработка за непречено и безбедно реализирање на планираните активности.
