Министерот за здравство Арбен Таравари денеска ја посети Клиниката за урологија и се сретна со новоименуваниот директор Башким Шабани.
Таравари и Шабани, како што информира Министерството за здравство, разговараа за потребата од унапредување на условите за третман и хоспитализација на пациентите на оваа клиника.
Тоа, како што се наведува, ќе биде еден од приоритетите на Министерството во наредниот период.
Министерот Таравари денеска ја посети и Клиниката за хематологија и со директорката Соња Генадиева-Ставриќ направија обиколка на оваа клиника и дискутираа за, како што се посочува, идните планови за инфраструктурно зајакнување на оваа установа.
