Радио станица во североисточниот дел на Авганистан е затворена бидејќи емитувала музика за време на светиот месец Рамазан, изјави талибански функционер.
Единствената радио станица во Авганистан, уредувана од жени, која работи десет години, „Садаи Банован“ (Женски глас), има осум вработени, од кои шест се жени.
Според директорот за информации и култура во провинцијата Бадакшан станицата неколку пати ги прекршила „законите и прописите на Исламскиот Емират“ со емитување музика за време на Рамазан и поради тоа била затворена.
„Доколку оваа радио станица ја прифати политиката на Исламскиот емират Авганистан и гарантира дека нема повторно да го повтори прекршокот, ќе дозволиме повторно да работи“, се вели во соопштението.
