Основниот суд во Урошевац денеска ја објави пресудата против Дардан Криваца и Арбер Сејди за убиството на осумнаесетгодишната Маригона Османи од Урошевац, пренесува Газета експрес.
Тие се осудени за убиство на осумнаесетгодишно девојче од албанска националност. Едниот е осуден на доживотен затвор, а другиот на 15 години затвор. Пресудата е изречена за кривично дело убиство, пишува Газета експрес.
Според обвинението, на 21.08.2021 година околу 10.14 часот во неговиот стан во Урошевац, без нејзина согласност, осудениот го принудил починатото девојче на сексуален однос, кој бил проследен со тортура, на тој начин што најпрво ја силувал во дневната соба, а по сексуалниот чин ја испратил гола во бањата, од каде насилно ја испратил во спалната соба. Со текот на времето, поради тешката здравствена состојба, девојката ја изгубила способноста за отпор од извршеното насилство, а насилникот уште два пати сексуално ја злоставувал.
Тој земал стап и заедно со друг соучесник влегол во собата и ја тепале девојката на различни делови од телото, нанесувајќи и’ голема физичка и психичка болка.
Од ударите девојчето се здобило со повеќе повреди, а како директна последица од тепањето следела смрт, како и трауматски шок, кои се резултат на надворешно крварење и внатрешно крварење, од скршеници на коската на долната вилица, скршеници на ребра, лева клучна коска, вратни пршлени.
Сепак, двајцата не беа осудени за силување и помагање во силување, бидејќи судот оцени дека нема докази што укажуваат дека тие го сториле тоа кривично дело.
Основниот суд во Урошевац денеска ја објави пресудата против убијците за убиство на осумнаесетгодишно девојче. Осомничениот е осуден на доживотен затвор, а вториот напаѓач на 15 години затвор.
