Во судир на брз воз и камион на истокот на Чешка загинал машиновозачот, а неколку луѓе се повредени, соопштија денеска локалните власти. Железничката управа соопшти дека машиновозачот загинал, а 15 лица се повредени, пренесуваат медиумите во регионот.
Од полицијата наведуваат дека, според првичните информации, повредени се повеќе од десетина лица.
Несреќата се случила рано утринава кога брз воз, кој се движел кон Прага, удрил во камион на железнички премин во близина на градот Бохумин.
Надлежните изјавија дека во тек е истрага за утврдување на причините за несреќата.
Според надлежните, оваа делница од пругата денеска ќе биде затворена за сообраќај.
