Утрински Весник
Македонија

Студентскиот отпор: В четврток на масовен студентски марш сѐ до целосно реализирање на сите наши барања

Студентскиот отпор: В четврток на масовен студентски марш сѐ до целосно реализирање на сите наши барања

По вечерашната средба во Собранието помеѓу премиерот, претставниците на студентските собранија, пратеници и министри, Студентскиот отпор соопштува дека не се задоволни од крајниот исход и од одлуките што се донесоа.

dobivaj vesti na viber

„Ние како студенти остануваме на нашите барања:

1. Издвојување средства од буџетот за зголемување на износот на субвенционираниот студентски оброк од 120 денари на 150 денари дневно;
2. Издвојување средства од буџетот за израмнување на сумата на стипендиите во согласност со измените од последното покачување на стипендиите;
3. Издвојување средства за реновирање и обезбедување нормални услови за престој во студентските домови, долгорочен план за формирање студентски градови и стоп за најавената приватизација на студентските домови;
4. Издвојување доволно средства за изземање на студентите од антикризните мерки на Владата за рационализација и штедење струја“.

Според нив, со оглед на тоа што единственото барање што се прифати е повлекувањето на измените на предлог-законот за студентски субвенциониран оброк, најавуваат дека нема да отстапат сè додека итно не се реализираат и другите нивни барања и повикуваат в четврток (17.11.2022), на Меѓународниот ден на студентите, на масовен студентски марш од 17 часот. Маршот, според најавите, ќе почне од Министерството за образование и наука, а потоа ќе продолжи кон Собранието на Македонија.

„Воедно, ги повикуваме сите студентски организации, универзитетските и факултетските студентски собранија, професори, здруженија и невладини организации да се придружат во нашата борба.
Ајде сите заедно да се избориме за нашите студентски права и за подобар студентски стандард!
Отпорот продолжува!“, стои во нивното соопштение.

Можете да прочитате

Влада: Оддаваме почит на сите невини жртви од геноцидот во Сребреница 

Нормализиран сообраќајот за камиони кон „Блаце”, на „Табановце“ се чека околу 30 минути

Повторно одложено судското рочиште за случајот Веапоска на кое требаше да биде презентиран извештајот од супервештачењето