Македонскиот првак Струга ТЛ обезбеди предност од два гола против Есперанж совладувајќи го ривалот од Луксембург со 3:1 во првиот меч од третото квалификациско коло од Конференциската лига. Блескаше Бесарт Ибраими кој постигна хет-трик.
Напаѓачот на Струга ТЛ го отвори резултатот во 23.минута користејќи ја грешката на противничкиот голман. Во 40.минута Ибраими реализираше пенал за водство од 2:0 на полувремето.
Есперанж намали преку Доминик Штолц на почетокот на вториот дел, но Бесарт Ибраими во 77.минута уште еднаш погоди од пенал за конечни 3:1.
Реваншот ќе се игра за седум дена во Луксембург.
