Премиерот Димитар Ковачевски е заложник на ДУИ и на нивниот лидер Али Ахмети, уставните измени веднаш да ги стави на дневен ред, порача портпаролот на ВМРО-ДПМНЕ, Наум Стоилковски.
Прашан за ставот на Ковачевски дека нема одлагање на уставните измени и оти нема да бидат заложници на еден човек поради неговите лични интереси, Стоилковски вели дека за едно е согласен со Ковачевски, а тоа е – уставните измени да бидат веднаш ставени на дневен ред.
„Единствениот повеќекратен заложник е Димитар Ковачевски, заложник е на ДУИ и на Ахмети и партнер во криминалот. Заложник е на минатото во партијата, се согласуваме дека нема одлагање, веднаш да ги стави уставните измени на дневен ред, а кога зборуваме за заложник, единствен заложник на сопствените незнаења и глупост и криминален карактер е самиот Ковачевски. Заложник на ДУИ и на Ахмети“, нагласи Стоилковски.
