Стапката на слободни работни места во третото тримесечје изнесува 2,02 проценти, покажуваат податоците на Државниот завод за статистика. Најмногу слободни позиции има во Елементарни занимања – 2.052 од вкупно 10.033.
Најголем број работни места се регистрирани во преработувачката индустрија (2.393), трговијата (1.830), административните и помошните дејности (867) и образованието (730). Вардарскиот регион бележи највисока стапка на слободни места – 2,53 проценти.
Секторот со највисока стапка е Објекти за сместување и храна (3,69%), а најниска е во снабдување со електрична енергија и гас (0,22%). Највисока стапка имаат фирмите со 10–49 вработени – 2,70 проценти. Стапката останува стабилна – исто ниво од 2,02% беше забележано и во првиот квартал, а 2,08% во вториот.
