Советниците од редовите на СДСМ во Советот на општина Кавадарци на последната седница побараа одговори на прашања поврзани со работа на новоотврениот ски центар „Михајлово“.
За советникот Вуко Мелов симптоматично е тоа што приходите на ски центарот се нешто над 10.000 евра (638.195 денари) што о превод би значело дека за цела сезона се продале нешто повеќе од 1000 влезници, ако се знае дека дневен билет чинел 500 денари.
„Се претставуваше дека голем број на посетители ја посетија ски стазата, по неколку илјади на ден, а вкупниот приход од продадени карти е околу 1.100- 1.200 за целата сезона. Зошто е тоа така? Дали Ски Михајлово изнајмуваше опрема за скијање, или тоа го правеше приватно лице и компанија, и дали има склучен договор со приватно лице за таа работа?“ праша Мелов.
Тој праша и кој стопанисува со бачилото во центарот каде се служат храна и пијалоци.
Советничката Валентина Бањанска пак рече дека целиот финансиски извештај е многу сиромашен, напишан на една и пол страница и во него нема конкретни податоци колку билети се продадени, колкав е приходот од изнајнување на ски опера и сл, додавајќи дека јавноста треба да знае кој стопанисува со објектот бачило во ски центарот „Михајлово“.
