Фреквенција на сообраќај
Интензитетот на сообраќајот на патните правци надвор од градските средини е умерен. На граничните премини од македонска страна не се забележани подолги задржувања за влез и излез од државата.
Задолжителна зимска опрема
Потсетуваме дека од 15 ноември 2024 година е во сила законската обврска за задолжително поседување зимска опрема во возилата, без оглед на временските услови. Оваа обврска ќе важи до 15 март 2025 година.
Времена измена на сообраќајот
Поради реконструкција на левата тунелска цевка на Тунел Т2 на автопатот А1, на делницата Демир Капија – Смоквица, од 20 февруари до 31 мај 2025 година, сообраќајот ќе биде пренасочен. Левата тунелска цевка ќе биде целосно затворена, а возилата ќе се движат двонасочно низ десната тунелска цевка.
Апел за внимателно возење
АМСМ препорачува прилагодена брзина и почитување на сообраќајната сигнализација, особено на патиштата низ котлините, речните долини и клисурите, каде постои можност од појава на одрони. Ова особено се однесува на делниците Катланово – Велес, Маврово – Дебар – Струга, Виница – Берово и Кочани – Делчево.
