„СОС детско село“
Со длабока тага ја примивме веста за страшната трагедија во Кочани. Болката од загубата на толку млади животи е неизмерна. „СОС детско село“ изразува најдлабоко сочувство до семејствата и најблиските на настраданите.
Во овие тешки моменти, нашите мисли и срца се со сите погодени од оваа незамислива трагедија.
„СОС детско село“ како организација што е свесна за влијанието на траумата и значењето на поддршката во најтешките моменти, со грижа и разбирање, нуди:
– Психосоцијална поддршка – за родителите на повредените лица што имаат потреба да зборуваат, да споделат, да не бидат сами.
– Советување и емотивна поддршка – за полесно справување со болката и траумата.
– Простор за одмор, оброк и преноќиште во Скопје за родителите на повредените лица што се хоспитализирани во Скопје.
Ако ви е потребна помош, јавете се на броевите: 071/344-521, 072/263-731, 071/373-861
Во рамките на нашите можности, ќе се погрижиме секој што има потреба да добие поддршка.
