Eдно лице загина, а две се тешко повредени во судир на туристички автобус и камион на грчкиот остров Крф.
Автобусот се движел од градот Палеокастрица кон градот Крф и од засега непозната причина преминал на спротивната лента и удрил во паркиран камион, пренесува „Прототема“.
Возачот на автобусот починал на лице место, додека една жена и едно дете биле извлечени од автобусот со тешки повреди.
Акцијата за спасување била спроведена со помош на полицијата и противпожарната единица, а во неа учествувале 22 пожарникари со пет возила.
