Д-р Аспазија Софијанова, доктор педијатар од Детската Клиника при Клиничкиот Центар Мајка Тереза, стана редовен професор на Медицинскиот факултет во Скопје. Веста ја објави на нејзиниот фејсбук профил.
„Редовен професор, дел од животот кој вреди да ги дадете своите вештини, знаење, спасени животи на илјадници доенчиња и деца и семејства, поминување ноќи и денови во мојата втора домашна Универзитетска детска болница, несебично давање душа и знаење за подобра насмевка, за здрави деца и за земјата во која живеам.
Посветено на татко ми Никола Софијанов, ќерките Марија Спасовска и Анастазија Наумовски“, напиша Д-р Софијанова на својот фејсбук профил.
Софијанова беше директорка на Клиниката за детски болести.
