Никитас Каратеодору е погребан заедно со неговата партнерка Келис Порфириду со која заедно патувале кобната ноќ.
Болката е нема, а тагата бескрајна за роднините, пријателите и колегите на 24-годишниот пожарникар Никитас Каратеодору и 23-годишната студентка, Келис Порфириду. Двајцата млади биле пар и заедно загинале во кобната железничка несреќа во Грција.
Колегите на пожарникарот кои работат во Втората противпожарна станица во Атина допатуваа во Каламарија за да се збогуваат, а со себе ја носеа и чантата во која нивниот многу сакан колега ги оставал своите лични работи и ги чувал во шкафчето на работа.
На погребот на младиот пар, присутни беа и колегите студенти на Келис кои коментираа „децата беа заедно и во животот и во смртта“, пренесе „Прототема“.
