Полицијата приведе скопјанец кој денес околу 9 часот се обидел да изврши разбојништво во спортска обложувалница во селото Волково, Скопско.
„Кај П.Ј. е пронајден пластичен пиштол и облеката што ја користел при вршење на кривичното дело. П.Ј. се сомничи и за други извршени разбојништва на подрачјето на Скопје“, велат од МВР.
Тој е приведен во полициска станица и по целосно документирање на случајот, во координација со надлежен јавен обвинител, ќе биде поднесена кривична пријава.
