Американската тајна служба отвори истрага за тоа како бела супстанца, за која е потврдено дека е позитивна на кокаин, завршила во библиотеката во Белата куќа.
Според „Вашингтон пост“, супстанцијата била откриена во неделата навечер, а содржината на дрога била мала.
Портпаролот на тајната служба Ентони Гуљелми изјави дека по откривањето на сомнителна супстанца, службениците кои биле во Белата куќа биле накратко евакуирани.
„Истрагата за причината и начинот на внесување на супстанцијата во Белата куќа е во тек“, рече тој.
Американскиот претседател Џо Бајден во тоа време не бил во зградата, пренесува медиумот.
