Во Македонија кога ќе играш фудбал, можно е да добиеш и шлаканица од навивач. Скандал се случи денеска во Тетово на второлигашкиот натпревар меѓу Тетекс и Саса (0-2). Пред самиот крај од дуелот, навивач влета во теренот и му удри шлаканица на гостинскиот напаѓач Бошко Ступиќ.
Потоа и веднаш побегна, преку теренот, но и низ оградата наоѓајќи една „дупка“ за да се протне.
Полицијата залудно се обидуваше да го стигне, а судијата не знаеше што да прави па отсвири крај на мечот.
