Светската фудбалска организација (ФИФА) ги објави имињата на тројцата конечни кандидати за најдобар тренер за изминатата година. Финалисти на наградата „The Best“ на ФИФА се тренерот на светскиот фудбалски шампион Аргентина, Лионел Скалони, тренерот на европскиот и шпански шампион Реал Мадрид, Карло Анчелоти, и менаџерот на англискиот шампион Манчестер Сити, Пеп Гвардиола.
На поширокиот список на кандидати се најдоа и францускиот селектор Дидие Дешамп и мароканскиот селектор Валид Реграги.
На конечниот список за најдобар тренер кај дамите се најдоа селекторката на англиската репрезентација Сарина Вигман, селекторката на бразилската репрезентација Пиа Сандаге и тренерот на Лион, Соња Бомпастор.
