Хрватска и Аргентина утре од 20 часот ќе играат во полуфиналето на Светското првенство во Катар. Според аналитичарите, Аргентина е умерен фаворит и многумина го очекуваат Лионел Меси во финалето на Светското првенство.
Аргентинскиот селектор Лионел Скалони на прес-конференција го најави дуелот против Хрватска. Тој му посвети посебно внимание на хрватскиот капитен Лука Модриќ.
„Задоволство е да се гледа Модриќ. Тој е идол за многу луѓе. Не само поради неговиот талент туку и поради начинот на кој се однесува. Го сакам Левандовски, го сакам Модриќ. Ако сакаш фудбал, тогаш сакаш такви играчи“, изјави селекторот на Аргентина.
