Момче (13) со секира нападна мајка и нејзиниот син кај Зрењанин. Со тешки повреди се пренесени во Ургентниот центар.
Жената се здобила со повреди на главата. Била болна од канцер и се уште се лекувала.
По операција во болницата Зрењанин, во шок собата е седумнаесетгодишникот, кој според лекарите во многу тешка и животозагрозувачка состојба. Ранетиот се здобил со повеќе убодни рани во пределот на градниот кош и има сериозни повреди на внатрешните органи, а лекарите се борат за неговиот живот.
Полицијата го приведе таткото на напаѓачот поради постоење основи на сомнение дека сторил кривично дело запуштање и злоупотреба на малолетно лице.
„Постои основано сомнение дека неговиот тринаесетгодишен син вечерва со секира и нож повредил педесет и седумгодишна жена и нејзиниот седумнаесетгодишен син во населено место во околината на Нова Црња, нанесувајќи им тешки телесни повреди опасни по живот“, соопштија од Полициската управа Зрењанин.
Во полициска станица е донесен тринаесетгодишникот и во тек е понатамошна работа на случајот.
