Српскиот стратег Синиша Михајловиќ е во болница откако неговата здравствена состојба е сериозно влошена. Тој подолг период се бори со леукемија.
„Синиша е во болница, свесен, буден. Ниту е во кома како што најавуваат некои, ниту бил во кома. Денеска е уште подобро од вчера, завчера и завчера, но сепак е во божји раце“, изјавија пријатели на Михајловиќ за срспките медиуми.
“Може да живее уште 10 дена, а може да живее и 30 години. Таква е болеста. Свесен е за тоа, свесно е и неговото семејство”, изјави близок пријател на српскиот тренер.
На Синиша Михајловиќ му беше дијагностицирана леукемија летото 2019 година. Ја доби битката неколку пати и се враќаше како голем борец и победник. Пред десетина дена состојбата повторно му се влоши.
