Светскиот тенисер број еден, Италијанецот Јаник Синер, ќе се појави пред Судот за спортска арбитража (CAS) во април. Овој суд ќе одлучува по жалбата на Светската антидопинг агенција (ВАДА) која бара да биде суспендиран на најмалку еден година за допинг.
Судот од Лозана објави дека сослушувањето ќе се одржи зад затворени врати за 16 и 17 април.
Се очекува пресудата да биде изречена по забрзана постапка, пред почетокот на Ролан Гарос, кој започнува на 25 мај.
ВАДА ја оспорува минатогодишната одлука на Меѓународната агенција за интегритет во тенисот, која одлучи да не го суспендира Синер, наведувајќи дека ненамерно (случајно) се контаминацирал со забранети супстанции.
Агенцијата го прифати објаснувањето на Синер дека трагите од клостебол во неговиот допинг примерок ги предизвикал физиотарапевтот на тенисерот кој ја користел супстанцијата за време на масажа.
