Силен земјотрес ја погоди и Романија. Според првичните инфорации, потресот бил со јачина од 5,7 степени по Рихтеровата скала. Земјотресот е во близина на градот Фратеши.
Земјотресот е почувствуван и во Србија, а граѓаните јавуваат дека потресите ги почувствувале во Белград, Нови Сад, Вршац, Смедерево, Крушевац… Српските медиуми јавуваат дека во Србија владеела паника и оти зградите силно се нишале.
„Живеам во зграда од 18 ката, не ми беше сеедно на 6ти, можам да замислам како се се тресеше на врвот од зградата“, изјави за „Телеграф“ жена од Панчево.
zemljotres i danas pa sad stvarno dosta hvata me jeza pic.twitter.com/lunHNTdT2b
— nikola (@elitnigas) February 14, 2023
„Се’ во мојата куќа се тресеше, дури и фрижидерот. Се исплашив. Не се чувствувам добро“, вели една белграѓанка.
Од Смедерево известуваат дека земјотресот бил силно почувствуван и оти сите истрчале на улица.
„Овде опасно се ниша, столчето силно ми се тресеше“, изјави за „Телеграф“, Браќе Јерковиќ, жител на белградската населба.
