Силен земјотрес со јачина од 7,1 степен според Рихтеровата скала ја погоди денеска Тонга, соопшти Европско-медитеранскиот сеизмолошки центар, а Американскиот центар за предупредување од цунами соопшти дека постои опасност од цунами во оваа островска земја во Тихиот Океан.
Земјотресот се случил на длабочина од 10 километри, соопшти Европско-медитеранскиот сеизмолошки центар.
Епицентарот на земјотресот бил на 139 километри од Нукуалофа.
