Земјотрес со јачина од 4,1 степени според Рихтеровата скала го погоди источниот округ Вранча во Романија, објави Националниот институт за геофизичко истражување и развој.
Земјотресот се случил утринава во 1:47 часот по локално време, соопшти институтот.
Епицентарот на земјотресот бил на длабочина од 88 километри, на 83 километри источно од Брашов, односно 151 километар северно од Букурешт.
Од почетокот на декември во Романија се забележани 13 земјотреси со јачина меѓу два и 4,1 степени според Рихтеровата скала, а најсилниот земјотрес годинава во таа земја се случи на 3 ноември и беше со јачина од 5,4 степени според Рихтеровата скала.
