Експертите во Шведска планираат да воведат старосни ограничувања за нега на кожата против стареење за справување со растечката загриженост низ Европа за потенцијалните штетни ефекти врз децата кои сè почесто користат такви производи.
Една од водечките аптеки во оваа скандинавска земја веќе донесе одлука да престане да продава производи на деца под 15 години за „напредна нега на кожата“ и сите оние креми и препарати кои имаат состојки како АХА киселина, БХА киселина, витамин А, витамин Ц и ензимски пилинг.
Одлуката следи по јавно достапните извештаи за бум за нега на кожата кај децата под 13 години во Шведска, поттикнати од објавите на социјалните мрежи. Според достапните податоци, 20-40% од купувачите на овие производи на шведски бренд се под 13 години.
Шведска не е сама во ова, со извештаи кои укажуваат дека се поголем број деца ширум Европа – вклучително и 10-годишни во Велика Британија се свртуваат кон скапа нега на кожата против стареење во нивната потрага по „помлада“ кожа. Експертите стравуваат дека лудилото може да има штетен физички ефект врз толку младата кожа и се грижат за психолошкото влијание врз децата опседнати со стареење. Минатата година, Европската комисија ги објави плановите за ограничување на концентрацијата на ретинол во производите што се продаваат без рецепт од јуни за да се намали потенцијалната прекумерна изложеност на витамин А, што регулаторите го поврзуваат со кожни нарушувања и ослабени коски.
Аника Сведберг, една од водечките шведски фармацевти, вели за Гардијан:
„Користењето напредна нега на кожата што, на пример, има за цел да ги намали брчките и да добие порамномерен тон на кожата, не е нешто што му треба на детето. Во случаи кога детето има кожна болест, на пример, атопичен егзема, одредени производи исто така може да придонесат за влошување или реактивирање на симптомите“.
