Одгледувачите на овци во Швајцарија во саботата фрлија тела на овци убиени од волци пред зградата на регионалната влада, барајќи поголема акција против предаторите.
Десетина одгледувачи дојдоа од областа Сен-Бартелеми во западниот швајцарски кантон Во да положат 12 трупови пред замокот Сен Мер во Лозана, седиштето на регионалната влада, објави „Гардијан“.
Швајцарската асоцијација на фармери соопшти дека демонстрантите сакале да го зголемат притисокот врз министерот за животна средина во владата на Во, Василис Венизелос.
Одгледувачите преговарале со регионалната полиција пред да им биде дозволено да ги положат животинските трупови на церада пред замокот.
Учесниците на протестот, кој беше поддржан од регионалниот огранок на десничарската Швајцарска народна партија, најголемата партија во земјата, изјавија дека губат овци.
Волците се вратија во Швајцарија и други европски земји во последните децении, пишува Гардијан.
