Според студија од Универзитетот во Вашингтон, децата имаат поголема веројатност да ја наследат интелигенцијата од мајките, бидејќи мајките пренесуваат гени кои ја обликуваат интелигенцијата на децата преку Х-хромозомот. Ова истражување го поткрепуваат и резултатите од истражувањето од Глазгов, каде што коефициентот на интелигенција на мајкатата покажал најдобра корелација со интелигенцијата на испитаниците.
Беа спроведени и експерименти со генетски модифицирани глувци, кои покажаа дека дополнителна „доза“ од гените на мајката придонесува за поголем мозок и помало тело, додека дополнителна „доза“ од гените на таткото резултира со помал мозок и поголемо тело.
Оваа студија следеше 12.686 испитаници на возраст од 14 до 22 години од 1994 година, земајќи ги предвид факторите како што се расата, образованието и социо-економскиот статус.
Клучниот заклучок на истражувањето е дека развојот на мозокот зависи од гените на мајката, додека физичкиот развој зависи од гените на таткото.
Истражувачите нагласуваат дека, иако генетската предиспозиција има значајно влијание, животната средина исто така игра клучна улога во когнитивниот развој на децата.
