Иако ова година го продолжи договорот со Пари Сен-Жермен со што стана најплатениот фудбалер на светот, Килијан Мбапе е крајно незадоволен во францускиот клуб и е подготвен веќе во јануари да побара трансфер, тврди француското радио „РМЦ“.
Според нивните извори, Мбапе уште во јули побарал заминување од клубот, и сега е подготвен да „турка“ за излез во јануари. Клубот се согласил да го продаде уште во јули, но само во Ливерпул, а не во неговата посакувана дестинација, Реал Мадрид.
Според „РМЦ“, Мбапе се чувствува „предаден“ од Пари Сен-Жермен, откако во мај клубот му направил серија ветувања, кои не можел да ги оствари за да го продолжи договорот до 2024.
Мбапе го одби претседателот на Реал Мадрид, Флорентино Перез, кој потоа изјави дека не му е потребен „ваков“ Мбапе, а шпанските медиуми реагираа луто на одбивањето на „кралевите“, така што ќе биде интересно дали во јануари неговата судбина ќе биде, сепак, да пристигне на „Сантијаго Бернабеу“.
