Министерот за одбрана на Русија, Сергеј Шојгу, за време на работната посета на воените единици на Централниот воен округ, го провери статусот на исполнување на државните нарачки во претпријатијата на концернот „Калашников“ во Удмуртија.
На рускиот министер за одбрана му беа прикажани најновите модели на јуришни пушки и снајперски пушки, прецизно наведувачка муниција и преносни противвоздушни ракетни системи.
Шојгу во Ижевск беше придружуван од гувернерот на Удмуртија, Александар Бречалов.
На министерот му беше прикажан и технолошкиот процес на производство, вклучително и линијата за финална монтажа на малото оружје.
Директорот на концернот Владимир Лепин го информирал министерот дека компаниите во целост ги исполниле сите државни нарачки за 2022 година. Шојгу го привлече вниманието на генералниот директор на „Калашников“ дека „државата ќе испрати значително повеќе нарачки до концернот“ следната година, а Лепин го увери дека компанијата ќе ја исполни зададената задача.
