Согласно Владината одлука за хуманитарна помош во материјални средства за Република Турција, Министерството за одбрана и Армијата денеска испратија шлепер со хуманитарна помош која се состои од 5.000 ќебиња и 200 санитетски носилки за прва помош.
Пакувањето и транспортот на хуманитарната помош се реализирани во соработка со Македонско-Турската стопанска комора, информираат од овие институции.
Пратката, според соопштението, ќе биде доставена до градот Батман во југоисточниот дел на Турција, кој беше погоден од катастрофалниот земјотрес.
