Шкупи победи на дербито со Шкендија во Кичево со 2:0 и ја намали негативата во однос на лидерот Струга Трим Лум, кој ремизираше (1:1) на гостувањето кај Тиквеш во Кавадарци. Сега негативата е само еден бод.
Фреди Алварез беше стрелец на водечкиот гол за Шкупи. Тој шутираше од 12 метри откосо од десната страна и го совлада Талевски во 36.минута. Шкендија не беше без шанси, одлични можности пропуштија Хасани и Милев. Трапановски во судиското продолжение го постави конечниот резултат за триумф на Шкупи од 2:0.
Тиквеш и Струга Трим Лум ремизираа 1:1 во Кавадарци. Александар Мишов стрелаше во 43.минута за водство на Тиквеш, а Валентин Кочоски од слободен удар израмни на 1:1 во 87.минута.
Академија Пандев победи на гости со 0:1 против Македонија ЃП. Михеили Ергемлидзе во 74.минута беше стрелец на погодокот.
Брегалница и Скопје ремизираа без голови на дуелот во Штип.
Работнички триумфираше со 0:2 против Победа во Прилеп. Дејан Ѓуриќ во 14.минута со удар со глава донесе предност, а Крсте Велкоски од слободен удар во 89.минута го постави конечниот резултат.
(function (el) {
window.addEventListener(“message”, (event) => {
if (event.origin.startsWith(“https://www.sofascore”)) {
if (el.id === event.data.id) {
el.style.height = event.data.height + “px”;
}
}
});
})(document.getElementById(“sofa-standings-embed-1950-44367”));
