Шкупи доведе уште двајца странски фудбалери за да го засили нападот. Станува збор за 29-годишниот Бразилец Нилтон Соарес Родригес, со прекар Нилтињо, како и Армин Хоџиќ, поранешен фудбалер на Динамо Загреб.
Нилтињо потпиша едногидшен договор, а доаѓа од Валета во првенството на Малта. Во кариерата има настапувано за клубови како Сао Каетано, Паначаики, Наутико, Понте Прета, Чавес, Атлетико Го, Чапаекоенсе.
Нилтињо најчесто игра на десната крилна позиција, но може добро да се снајде и како лево крило.
Армин Хоџиќ е 28-годишен босански интернационалец кој во минатото играше за Динамо Загреб, Фехервар, Кашимпаша и треба да биде големо засилување за нападот на Шкупи.
