Џесин Булок Прадо, помладата сестра на холивудската ѕвезда Сандра Булок, се сеќава на Брајан Рeндл.
Во понеделникот беше објавено дека Рeндл, долгогодишниот партнер на Сандра Булок, починал по тригодишна битка со АЛС (амиотрофична латерална склероза), а сестрата на актерката се огласи на „Инстаграм“ за да му оддаде почит на починатиот фотограф.
„Убедена сум дека Брај го најде најдоброто место за риболов на небото и веќе го фрла својот мамец во брзите реки дружејќи се со лососи“, напиша Булок-Прадо покрај насмеаната фотографија на Рендл.
„АЛС е сурова болест, но има одредена утеха во сознанието дека имаше најдобри негователи – мојата неверојатна сестра и групата медицински сестри што таа ги собра за да ѝ помогнат да се грижи за него во нивниот дом,“ додаде таа. „Почивај во мир, Брајан.“
Семејството на Рeндл ја објави неговата смрт во понеделникот. Како и тие, Булок-Прадо побара, наместо цвеќе, во негова чест луѓето да донираат во Центарот за истражување на АЛС и општата болница во Масачусетс.
