Маријана Варела и Фабиола Валентин, мис Аргентина и мис Порторико, го врзаа јазолот.
Маријана ја сподели веста на „Инстаграм“ со низа фотографии, а венчавката ја опиша како посебен ден.
Според нејзината објава, тие се венчале на 28 октомври. Веста ја сподели и Фабиола на својот инстаграм-профил.
Девојките се запознале на изборот за убавина Miss Grand International 2020, но нивната врска ја чувале во тајност, дознава „Хола“.
Во објавата на социјалната мрежа двете споделија моменти од нивната врска вклучувајќи заеднички патувања, денот на свршувачката, прстените…
Инаку, Маријана ја претставуваше Аргентина на изборот за мис универзум 2019 година и се најде меѓу најдобрите 10 на изборот за мис гранд интернационал 2020. Како модел работеше со многубројни агенции и беше модел за разни кампањи.
Фабиола ја освои титулата мис Порторико во 2020 година.
