Воен авион се урна денес во шумска област во северен Тајланд за време на тренинг лет, при што загинаа двајцата пилоти во авионот, соопштија тајландските воздухопловни сили и тајландските медиуми.
„Двајца пилоти загинаа во пад на лесен јуришен авион AT-6TH утрово за време на обука“, изјави портпаролот на воздухопловните сили Џаккрит Таманвичаи.
Локалните медиуми објавија дека авион со две седишта се урнал во покраината Чијанг Маи. Властите ја истражуваат причината за несреќата и излегле на местото на настанот, објавија медиумите.
Шест тајландски полицајци загинаа во април минатата година кога мал авион се урна во морето за време на вежба за скокање со падобран во близина на крајбрежен град јужно од главниот град Бангкок.
