„ВМРО-ДПМНЕ молчи за опструкциите и нивната улога во лажните дојави за поставени бомби“, велат од СДСМ.
Според нив, партијата со функционерите на ВМРО-ДПМНЕ, ја попречуваат работата на институциите во спроведување на мерките со справување со дојавите за поставени бомби во училиштата.
„Со вакво неодговорно однесување, ВМРО-ДПМНЕ застанува зад хибридните напади, чија цел е создавање немир, тензии, недоверба и страв кај граѓаните. Новите протоколи се изработени од експерти и со нив се гарантира безбедноста на учениците и наставниците, како и непречено одвивање на наставата. ВМРО-ДПМНЕ да престанат да ја опструираат и поткопуваат работата на институциите кои работат на обезбедување целосна безбедност на децата, на неутрализација на проблемот и овозможување непречена настава“, додаваат од СДСМ.
