Ништо не се менува во ВМРО-ДПМНЕ, очигледно е дека и Христијан Мицкоски ја продолжува праксата на својот претходник, да се меша во работата на сите градоначалници, се вели во соопштението од СДСМ.
Од партијата додаваат дека очигледно дека и Мицкоски има одредени интереси, па затоа и беше кавгата со Данела Арсовска, за пусти пари. За пусти пари од тендер вреден 136 милиони евра народни пари, Мицкоски и Арсовска се испокараа пред целата јавност.
Наместо проекти, предлози и решенија, скопјани од ВМРО-ДПМНЕ видоа само партизација на институциите, неработење и кавги за пари.
Тоа, граѓаните на Скопје не го заслужуваат, се вели во соопштението.