ДПМНЕ не може да побегне од фактот дека скопјани се гушат во загаден воздух а владата не презема ништо за тоа.
Пари има за криминални тендери ама нема да мерки и политики за борба против загадувањето.
Каде е милјардата што ја ветуваше Мицкоски за чист воздух и намалувањето на загадувањето за 50%?
Не само што нема ништо од тоа, во Буџетот 2025 ДПМНЕ ги намали парите за чист воздух за 51%, а парите за заштита на животната средина беа намалени за цели 25%.
Ама затоа ги зголеми процентите од тендерите, 161 тендер за една фирма, 9 милиони евра за друга фирма со само двајца вработени.
Нема бегање од вистината.
Што се однесува до мерките на СДСМ и Планот за чист воздух, којшто патем е прв стратешки документ на некоја влада досега во борбата со аерозагадувањето, исто така фактите покажуваат дека во тие години започна тренд на постепено намалување на загадувањето.
Со Планот се направи промена на нееколошкиот начин на загревање на градинките, училиштата, јавните објекти и се презедоа сет на повеќе мерки кои почнаа да даваат резултат.
Така, на годишно ниво почна да има намалување на штетните честички ПМ 2.5 во воздухот за -564kg како и намалување на честичките МП 10 за – 735kg годишно.
Сите мерни станици тоа го покажаа. (докази во прилог)
ДПМНЕ требаше да продолжи и да ги засили мерките, за постепеното намалување на концентрациите на штетни честички во воздухот да продолжи.
Но тие избраа криминални тендери наместо здравјето на луѓето. Затоа скопјани денеска се гушат.
СДСМ Центар за комуникации
