Швеѓанката Сара Сјостром влезе во историјата и ја надмина американската олимписка икона Мајкл Фелпс како пливачка со најмногу индивидуални медали на светските првенства во историјата.
Швеѓанката поседува 21 поединечен медал, наспроти 20 на легендарниот Фелпс.
29-годишната пливачка победи во финалето на 50 метри слободно со време од 23,62 секунди, што е само една стотинка од светскиот рекорд што го постави вчера за време на полуфиналните натпревари.
Австралијката Шајна Џек го освои среброто за 24,10 секунди, додека Кинеската Џанг Јуфеи ја освои бронзата со 24,15 секунди.
Ова е петта светска титула за Сјостром на 50 метри слободно, а од 21 медал во поединечните дисциплини, таа има дури 12 златни.
🇸🇪 Sarah Sjostrom fastest woman on earth!!
Semifinals – 23.61 WR
Finals – 23.62 World Champion🥇😱#AQUAFukuoka23 pic.twitter.com/P6KEp98FsE— World Aquatics (@WorldAquatics) July 30, 2023
