Администрацијата на американскиот претседател Џозеф Бајден бара начини да стапи во контакт со сириските бунтовнички групи кои го соборија сирискиот претседател Башар ал-Асад и се обраќаат кон партнерите во регионот, како Турција, за помош во започнувањето неформална дипломатија, изјави портпаролот на Стејт департментот, Метју Милер.
Милер на прес-конференција рече дека Вашингтон има неколку начини да комуницира со различни групи во Сирија, од кои една Вашингтон ја прогласи за терористичка организација, објави Ројтерс.
„Ние бевме ангажирани во тие разговори во последните неколку дена. Секретарот (Ентони Блинкен) беше лично вклучен во разговори со земји кои имаат влијание во Сирија, и ние ќе продолжиме да го правиме тоа“, кажа Милер.
