Евгениј Пригожин, основачот на платеничката група „Вагнер“, изјави дека треба да се застрела рускиот политичар кој го критикувал и рекол дека му е подобро да готви.
Имено, гувернерот на Свердловск, Евгениј Куивашев, му рекол на Пригожин, кој исто така се занимава со угостителство, да се држи до бизнисот со храна.
„Ако секој бизнисмен што заработува од училишните оброци се обиде да ја води земјата, нема да стигнеме далеку. Секој треба да си ја гледа својата работа.
„Гответе котлети и тестенини, а ние во регионите сами ќе си ги решиме проблемите“, кажал Куивашев за локалниот весник „66.ru“., како што објави „Sky News“.
Шефот на Вагнер набрзо му одговори и му се закани. „За време на војната од 1941 до 1945 година, која сега се повторува, Сталин едноставно пукаше во луѓе како тебе. Мислам дека наскоро ќе се вратиме во тие времиња. Сигурен сум дека народот наскоро ќе се засити од тебе и на твоите слични со вили“ му рече Пригожин.
Лидерот на „Вагнер неодамна“ ги обвини руските власти дека го блокираат снабдувањето со муниција потребна на неговите борци, а објави и фотографија од трупови коментирајќи дека војниците загинале поради недостиг на залихи, пренесува медиумот. Руското Министерство за одбрана ги отфрли овие обвинувања и рече дека прави се што може за да испорача се што е потребно на линијата на фронтот.
