Русија пресели резервни трупи во еден од своите погранични региони и ги одби украинските напади откако трупите на Киев преминаа во Курск, соопшти руската влада. „Руските војници спречија пробивање на границата откако Украина изврши напади врз регионот Курск, кој се граничи со североисточниот украински регион Суми“, рече вршителот на должноста регионален гувернер, Алексеј Смирнов.
Борците од 22. механизирана бригада на Киев, заедно со 11 тенка и повеќе од 20 оклопни возила, преминаа во Русија, соопшти Кремљ. Москва соопшти дека го одбила нападот преместувајќи ги руските резервни трупи во конфликтната област.
Сепак, руските воени блогери рекоа дека обидите за одбрана од украинскиот напад не успеале.
„До вечерта, конечно, стана јасно дека е невозможно да се протераат непријателските сили од територијата што ја окупираа“, напиша еден познат руски воен блогер на апликацијата за пораки „Телеграм“.
„Следниот ден ќе биде тежок. Друг извештај ја опишува тешката ситуација во Курск, каде што Украина успеа да ги „консолидира своите позиции во пограничната зона и покрај интензивните удари и напади на руските војници“.
