Руската Федерална служба за финансиски надзор Росфинмониторинг денеска ја стави американската компанија „Мета“ на листата на организации вклучени во тероризам и екстремизам.
Законот ги обврзува банките да ги замрзнат средствата на граѓаните и организациите од црната листа на Росфинмониторинг и да престанат да ги сервисираат, пренесе Интерфакс.
На 21 март 2022 година, судот во Твер, по тужбата на Канцеларијата на главниот обвинител на Русија, ја означи „Мета платформа“ како екстремистичка и ги забрани нивните активности во Русија, односно социјалните мрежи Фејсбук и Инстаграм.
