Американскиот државен секретар Марко Рубио ќе учествува на Минхенската безбедносна конференција (13–15 февруари), каде што ќе оствари средби со европски партнери, соопшти Стејт департментот. Посетата доаѓа во период на зголемени тензии меѓу САД и дел од сојузниците по изјавите на претседателот Доналд Трамп за Гренланд.
По Минхен, Рубио ќе ја посети Братислава на разговори за регионалната безбедност, енергетиката и соработката во рамки на НАТО, а турнејата ќе ја заврши во Будимпешта со средби насочени кон зајакнување на билатералните односи и поддршка на мировните иницијативи.
Прашањето за Гренланд во изминатиот период предизвика реакции во Европа, иако од Вашингтон најавија можност за нов договор што би ги уредил интересите на сите страни.
