Сојузот на стопанските комори на Македонија го избра Ромео Костадинов за нов потпретседател на Сојузот на коморите.
Костадинов е претседател на Комората на сметководителите, финансиерите и даночните советници, која е регистрирана и е дел од Сојузот на стопанските комори. Со повеќе од 30 години работно искуство во овие области, како и менаџерското искуство во раководење на компанијата „Еуро консалт плус“, друштво за економско-правен консалтинг од областа на финансиите, сметководството и даночната проблематика, Костадинов своето искуство ќе го пренесе и во понатамошното успешно работење на Сојузот на стопанските комори на Македонија застапувајќи ги интересите на сите стопански субјекти членови на Комората.
Досегашните потпретседатели, м-р Горан Ѓорѓиевски, д-р Орце Симов, Сашо Дукоски, д-р Тања Дејановска и Михаил Кирков, остануваат на досегашните функции, а завршува мандатот на досегашната потпретседателка Габриела Кулебанова.
Сојузот на стопанските комори на Македонија е најголема независна деловна организација во Македонија со 35 стопански комори, кои членуваат во Сојузот, и над 30 групации, здруженија и асоцијации.
