Многу фудбалски фанови со недоверба гледаа на одлуката на Кристал палас да го замени Патрик Виера со најстариот менаџер во Премиерлигата, Рој Хоџсон, но тој успеа да врати на довербата со втора победа во низа, овојпат со неверојатни 1:5 на гостувањето кај Лидс на „Еланд роуд“ во меч на две екипи на кои опстанокот им е главна цел.
А, мечот почна одлично за Лидс, откако Патрик Бамфорд стрелаше во 23. минута, но Марк Гуеи успеа да израмни на крајот на полувремето. Вторите 45 минути поминаа во знак на гостите – Џордан Ају во 23. минута донесе водство за Палас, за само три минути подоцна по одличната акција, Еберечи Езе зголеми на 1:3. Катастрофата за Лидс ја најави Одсон Едуар во 69. минута, пред Ају со вториот гол во 77. минута да ги постави конечните 1:5.
