Башким Асани, кој беше заменик-министер за одбрана, Абдулшуќур Абедини кој беше заменик-министер во Министерството за шумарство и водостапнство, како и Лулзим Алиу кој беше заменик-министер за образование и наука се разрешени од функциите.
По неколку дневна дискусија во Собранието, од 103 пратеници, 62 гласаа „за“ разрешувањата. Немаше пратеници кои беа против, ниту воздржани.
Следна точка на дискусија е именувањето на нови заменици-министри кои доаѓаат од редот на Алијансата за Албанците, како партија која влегува во Владата. Отворен е претрес по оваа точка, а пријавени за збор се 36 пратеници и премиерот Димитар Ковачевски.
Дискусијата за влез на Алијансата за Албанците во Владата трае повеќе од две недели.
